من ٧ سنين بنشتغل على لفت الانتباه، مش مجرد تصميم موقع يجيب ترافيك وخلاص

شغلك على السوشيال بس

بتصرف وقت وفلوس على بوستات وفولورز، وكل ده على أرض انستا وتيك توك مش بتاعتك. لو المنصة غيرت قواعدها أو حسابك اتعرض لمشكلة، ممكن تتصحى ملاقيش اللي بنيته. وكمان مفيش لينك ثابت باسم شركتك الناس تحفظه.

مكان باسمك

من هنا القصة تتغيّر. بنحط لك دومين وموقع باسم شركتك. الزبون لما يسمع عنك يدخل يتطمن: في خصوصية، في تواصل واضح، وكل استفسار مربوط بواتساب عندك.

بيشوفك ويتردد

الزبون مش بيشتري من أول مرة يشوفك. بيعمل سكرول، يرجع تاني، ويسأل نفسه: أدفع فين؟ فين الشغل كله؟ من غير صفحة واحدة يرجع لها، بيقعد يبعتلك على الواتساب نفس الأسئلة لحد ما يملّ أو يمشي.

صفحة يرجع لها

طب ولما يبقى عندك موقع؟ كل شغلك وأسعارك ورقمك في صفحة واحدة. الزبون المتردد يفتحها تاني قبل ما يدفع، يلاقي اللي محتاجه من غير ما يزعجك بنفس السؤال للمرة العاشرة.

البوست حلو… وبعدين؟

إعلانك ولا البوست شغّال، والعميل عاجبه الشكل. يدوس يعرف السعر أو يطلب فيلاقي نفسه في الدردشة: بكام؟ فين الشحن؟ وانت مش فاضي ترد على كل واحد، بخ الأوردر طار.

من البوست للأوردر

الحل ببساطة: كل بوست أو إعلان بيفتح صفحة فيها نفس المنتج والسعر والدفع. العميل مش بيلف في الشات، يضغط يعمل أوردر أو يبعت واتساب والأوردر معاه جاهز في الرسالة. ولو دوّر على اسمك في جوجل، يلاقيك.

يناسبني إيه؟

نفس السؤال بيتكرر على الواتساب: يناسبني إيه من اللي عندك؟ انت بترد يدوي كل مرة، والعميل مستني. لو اتأخرت شوية، بيلاقي غيرك ردّ عليه أسرع.

مساعد على موقعك

بدل ما انت اللي ترد كل مرة، نحط مساعد على الموقع متعلّم على شغلك وأسعارك. الزائر يسأل بالعاميّة، يلاقي إجابة على طول، وانت نايم برضه ممكن يكمل أوردر.

العملاء بقوا يبعتوا الايجنت

بقى في عملاء يبعتوا الايجنت بتاعهم على الموبايل: دورلي شركة كده. مفيش موقع فيه خدمات وأسعار واضحة، الايجنت مش هيعرف يوصلهم ليك، والعميل يروح لصاحب متجر ظاهر في قوقل.

جاهز للايجنت

وده بقى اللي جاي. الناس بتبعت الايجنت بتاعها يقارن ويحجز. الموقع اللي خدماته وأسعاره مكتوبة صح هو اللي الايجنت يقدر يتعامل معاه. نجهّزك من دلوقتي عشان لما حد يبعت الايجنت يدور، يلاقي شركتك جاهزة.

فلوس على الواتساب

حد يبعت تحويل على المحفظة أو انستاباي، وانت قاعد: ده لأي أوردر؟

دفع متأمن على الموقع

وللأوردر والفلوس؟ الزائر يختار من الأول: كاش عند الاستلام، إنستاباي، محافظ، فوري، فيزا أو ماستر. كل دفع مربوط برقم أوردر، فمفيش تحويل عشوائي ملخبط.

فلوس الإعلان رايحة

بتزود ميزانية الإعلان وكل يوم في زيارات، بس مش عارف مين فعلاً عمل أوردر. ومين يستحق أصرف عليه عشان يوصل له منتجي أصلاً ويشتري؟ فبتكرر نفس الإعلان الغلط وتفضل تحرق فلوس.

ميزانية أقل… نتايج أعلى

آخر حتة في القصة: البيكسل بالبلدي كود صغير على الموقع بيقول لميتا مين دخل وعمل أوردر. الإعلان يتعلم مين يستاهل فلوس، بتصرف أقل على اللي مش هيجيب أوردر، والميزانية تشتغل أحسن.

مفيش أدوات قوقل وميكروسوفت

مفيش Google Business، مفيش Search Console، مفيش تتبع. مش عارف الناس بتدور على إيه، مش شايف على الخريطة زي المنافس، ومفيش رقم يقولك الزيارة دي كانت تستاهل ولا لأ.

أدوات قوقل وميكروسوفت

طب الأدوات؟ Google Business عشان تظهر على الخريطة والبحث المحلي. Search Console عشان تعرف الناس بتدور على إيه وأخطاء الموقع. Google Tag وAnalytics عشان تعرف الزيارة جت منين ومين وصل لصفحة الأوردر. Microsoft Clarity عشان تشوف سلوك الزائر على الموبايل. كل واحدة ليها فايدة، ومش محتاج «برمجة خاصة» عشان تشتغل مع موقعك.